كلمة قالها جدّي للدكتور داود فلنة

أترك كهف النسيان ...
أجلس في الأمام ..
أنوي ان اسمع الكلام ....
أهلا ..أهلا ..
وعليكم السلام ...
تفضلوا يا سادة يا كرام ....
شو يا دكتور اخبار العرب هالأيام ...؟
كلمة قالها جدي الله يرحمه من زمان ...
كان يمسك الجريدة من الخلف
ومش من قدام ...
بقولوا منيحة للعرب ..
دبابات ابو خالد في الفالوجة ...
والعراقية في العوجة ...
الله يرحمك يا جدي ...
والله مسكتك للجريدة كاينة مطعوجة ...!
هان عاش ومات سيدي ...
أعطاني مفتاح وقفل حديدي ...
عيوني تودع عينيه
والمفتاح يرجف بيدي ...
وقال ابعتلي شو الجديدي ...
بعد خمسة وأربعين عام ...
زرت قبره ...
على تلة غرب زيتونة الظهر ...
مستوطنة وصلتها
وكل ما ازروك بموت قهر ...
سيدي
ماني زايرك من هون لآخر الدهر ...
بلآخرة بنلتقي ...
ونعرف مين باع فلسطين غدر ....
وما تسألني الآن ...!
ما بعرف لو بقعد طول عمري على القبر ....!
الله يرحمه قبل لا يموت بأيام ..
قاللي جدي ...
اللي بدي يصير كبير قومو ...
يعلي باب دارو ...
والله يا جدي ما من جديد ....
الخّري خرّي كان مكسي ولا عرّي ...
علينا باب الدار ...
ووسّعنا باب الدار ...
والأخبار هي نفس الأخبار ...
عمي محمود شنقوا الأنجليز مع الثوار ....
ومن يومها نننتظر ...
وضاعت العتبة والدار ....
ليش تقول يعلي دارو ...
قوم من قبرك تعال شوف
وين صرنا وين العرب صاروا ....!

د.داود فلنة