سبتك يا مصر للشاعر الدكتور داود فلنة

سبتك يا مصر وجوايا مكسور
لما بقى هوا نيلك عليا محظور
بقيت زي طير يعلّي في السما
وجناحو مكسور ...
أحلف بسماها وترابها
راجع مهما الزمن يلف ويدور
أنا منساش كل حتّة حنيّة
في ترابها مبذور
ولا حبيبتي السمرا
أم الطرحة
وأم خدود زي البنور
راجعلك يا مصر وأعلّي الفرحة
وأخطف من أيد عرقانة
طبق فول وعيش تنّور
سبتك يا مصر وجوايا جرح مغدور
إنتِ شخصيتي وملامحي
إنتِ زادي وقمحي
إنتِ سيفي ورمحي
راجعلك يا مصر أبص في عيون الصبايا
وفي أولادك رايحين مدارسهم
الكل فرحان ومسرور
يمكن مصروفهم مش جيوبهم
بس صورتك جوا شنطهم وعيونهم

سبتك يا مصر غصب عنّي
ولعيونك دايما أغنّي
ومهما فضلت رحّال
لنيلك أقول موّال

الشاعر الدكتور داود فلنة