قصيدة حديث الصباح في فليطين للشاعر رسمي خير شبكة رام الله فلسطين

حديث الصباح في فلسطين للشاعر رسمي خير
ما قبل 1948
يا عبد يابه
هات الطوريه والفاس
والحقني
لا تتاخر انا رايح
على البياره عشان نسقي
هات معك الزاد والزواده
حبتين بندوره
وشوية زيتون من زتوناتنا
وانت يا جميله
بتيجي ساعة الظهريه
عشان نتغدى سوى
تحت التوته الشرقيه
حاظر يا عيون جميله
عشان هالارض
بتهون الروح لاجل
اظل جميله
شو النا غيرها يا ام العبد
يا حلوه يا جميله
مالجم يابه قلبتوها
حب وغزل
خلينا نفصد الكريم
على ارضنا الجميله
اااااااااخ يابه يا محلى
الارض وحب امك جميله
العرض والارض يابه
همه حياتنا الجميله
فلسطين بلادنا
يا محلى ترابها
يا محلى العيشه
بين اشجارها
يا محلى الطير على الشجر
بنادي فلسطين ارضي وبلادي
يا رب لا تحرمنا الموته
على تراب اجدادي
................................5\10\2013 رسمي خير